ಕವನಗಳು….

“ನಲ್ಲೆ”….

ನಲ್ಲೆ ನಿನ್ನನ್ನು ನಾ  

ಚಂದ್ರನಿಗೆ ಹೋಲಿಸಲೇ….?

ಬೇಡ ಎಂದೆಯಾ….!

ಅವನಲ್ಲಿವೆ ಕಪ್ಪು ಕಲೆಗಳು

ಇರಬಹುದು…..

ನಿನ್ನಲ್ಲೂ ಇವೆ ಕಪ್ಪನೆಯ

ಹುಬ್ಬು ಸಾಲುಗಳು….

ಮತ್ತು ಮುಂಗುರುಳು

*

**

***

****

                         ಒಪ್ಪಿಕೊಂಡೆಯಾ…..?                      

                        ~ನಾಗ

——————————————————————————

 ಭಾವಕ್ಕೆಲ್ಲಿ ಬೆಲೆ…

ನೀನು…

ನನ್ನ ಪ್ರೀತಿಯನ್ನು ಒಪ್ಪಿಕೊ…

ಅಥವಾ ಅದರಿಂದ ತಪ್ಪಿಸಿಕೊ…. 

ನೀನು

ಪ್ರೀತಿ ಕೊಡು ಎಂದರೂ

ಬೇಡ ಎಂದರೂ ಕೊಡುತ್ತಲೆ ಇರುವೆ 

ಕೊಡುವುದಷ್ಟೆ ಬರೆದಿದೆ

ನನ್ನ ಹಣೆಯ ಮೇಲೆ

ಕ್ಷಮಿಸು….….

ನನ್ನೆದೆಯ ಮೇಲೆ 

ನಾ ಕೊಟ್ಟಿದ್ದೆಷ್ಟು ಲೆಕ್ಕ ಹಾಕಬೇಡ

ನಾ ಕೊಟ್ಟಿದ್ದಕ್ಕೆ ಬೆಲೆ ಕಟ್ಟಬೇಡ…. 

ಯಾರ ಭಾವನೆಗಳೂ ಮಾರಾಟಕ್ಕಿಲ್ಲ

ನನ್ನದೂ ಹಾಗೆಯೇ….ಇಷ್ಟವಿರೆ ಒಪ್ಪಿಕೊ

ಒಪ್ಪಿ ಅಪ್ಪಿಕೊ….

ನನ್ನಲ್ಲಿ ಯಾವ ನೀರಿಕ್ಷೆಯೂ ಇಲ್ಲ…..

                             …..ನಾಗು