ಕಣ್ ರೆಪ್ಪೆ ಮುಚ್ಚಿ ಕಂಡಾಗಿನ ಜೀವನ.., ಕನಸು..

ನನ್ನ ಮನದ ಗೆಳೆತನದ ಬಾನಂಗಳದಲಿ ಮಿಂಚಿ ಮರೆಯಾದ ಮೊದಲ ತಾರೆಗೆ.. I mean ಗೆಳತಿ …***ಗೆ.,

ನಿನ್ನನ್ನ ಹೇಗಿದ್ದೀಯಾ ಅಂಥ ಕೇಳಲಿಕ್ಕೆ ಮನಸೇ ಬರುತ್ತಿಲ್ಲ.. ನನ್ನನ್ನ ನೋವಿನ ಬಾವಿಗೆ ತಳ್ಳಿ ಹೋದ ನೀ ಚೆನ್ನಾಗಿರದೆ ಮತ್ತೇನು…

ಚೆನ್ನಾಗೇ ಇರು.. ಆದರೆ ನಾನ್ ಚೆನ್ನಾಗಿಲ್ಲ ನೋಡು ಅದಕ್ಕೆ ಈ ಪತ್ರ.

ಈ ಬಾಳಿನ ಸುಂದರ ಪ್ರಯಾಣದಲಿ ಗೆಳತಿಯಾಗಿ ಕೈ ಹಿಡಿದು ಜೊತೆ-ಜೊತೆಗೆ ಸಾಗುವೆ…, ಅದಕ್ಕೇಕೆ ಪ್ರೀತಿ ಗೊಡವೆ ಎಂದು ಹೇಳಿದ ನೀನೆ

ಈಗ ಈ ದಾರಿಯಲಿ ನನ್ನ ಒಬ್ಬಂಟಿಯಾಗಿ ಮಾಡಿ, ನಾ ರೆಪ್ಪೆ ಮುಚ್ಚಿ ತೆರೆಯುವಷ್ಟರಲ್ಲಿ ನನ್ನ ಕೈ ಬಿಟ್ಟು…, ಈ ಕೈಗಳ ತಬ್ಬಲಿ ಮಾಡಿ ಹೋದೆಯಲ್ಲಾ .. ಮನಸಾದ್ರು ಹೆಂಗ್ ಬಂತು…?

ನೀ ಹೋಗುವಾಗ ತಿರುಗಿ ನೋಡಿದ್ಯಾ ಇಲ್ವಾ..? ನೋಡಿದ್ರೆ ನೀ ಕರಗಿ ಹೋಗ್ತಿದ್ದೆ ಕಣೆ..!

ನೋಡಿಯೂ ಕರಗದೆ ಇದಿಯಾ ಅಂದ್ರೆ ನೀನು ಹೂ ಗಳಿಂದ Make up ಮಾಡ್ಕಂಡಿರೋ ಕಲ್ಲು ಹೃದಯದವಳು.. Am sorry ಹೀಗ್ ಹೇಳಿದ್ದಕ್ಕೆ.

ಪ್ರತಿ ದಿನ ಬೆಳಗ್ಗೆ Mobileಗೆ message ಮಾಡಿ ಶುಭಾಶಯ ಕಳುಸ್ತಿದ್ದಲ್ಲಾ…, ಇದೇನಾ ನಿನ್ನ ಆಶಯ..?

ನನ್ ಮೊಬೈಲ್ ಪ್ರತಿ ಸಲ ರಿಂಗಣಿಸಿದಾಗ ಅದು ನಿನ್ನದೆ ಕರೆ.. ಅಥವಾ ಕರೆಯೋಲೆ ಇರ್ಬೇಕು ಅಂದುಕೊಳ್ಳುತ್ತಿದ್ದವನಿಗೆ ಇದೇನಾ ನೀ ಕೊಟ್ಟಾ ಉಡುಗೊರೆ..? ಮತ್ತೆ ರಾತ್ರಿಗೆ Sweet Dreams ಅಂತ ಕಳಿಸ್ತಿದ್ದಲ್ಲಾ.. ಕೇಳೇ ಈಗ್ ಸಿಹಿ ಕನಸೇನ್ ಬಂತು ಮಣ್ಣು.. ನಿದ್ದೇನೆ ಇಲ್ಲ ಕಣೆ ಈ ಕಂಗಳಿಗೆ… ನೀ ಕಳಿಸಿದ್ದು ಬರಿ ಕೃತಕ ಭಾವ ತುಂಬಿದ ಅಕ್ಷರಗಳಾ…?

ಬರೀ ಪ್ರಶ್ನೆ ಗಳೇ ಅಲ್ವಾ..!

ಆದ್ರೆ ಉತ್ತರಾನೇ ಇಲ್ವಲ್ಲೆ… ಕೊಡಬೇಕಾದವಳು ನೀನೆ… ನೀನೆ ನನ್ ದೂರ ತಳ್ಳಿದೆಯಲ್ಲ…ಯಾಕೆ..?

ಕಿತ್ಕೊಂಡ್ ಬರೋ ದುಃಖಾನ ಎಷ್ಟೋ ಜನ ಕಣ್ಣೀರ್ ಹಾಕಿ ಹೊರಗೆ ದಬ್ಬ್ತಾರೆ.. ಅವರಿಗೆ ..,ಅವರ ಕಂಬನಿ ಒರೆಸೋಕ್ಕೆ ಅಂತ ಕೈಗಳಾದರೂ ಇರ್ತವೆ… ಆದ್ರೆ ಇಲ್ಲಿ…

ನಾ ಇಲ್ಲಿ ಕಣ್ಣೀರಿಡ್ತಾ ಇಲ್ಲ.. ಅದು ಬರೋದು ಇಲ್ಲ.. ಕಣ್ಣಲ್ಲಿ ಬರ ಬಿದ್ದು ತುಂಬಾ ದಿನಗಳಾಯ್ತು… ಆದ್ರೆ ಅಳ್ತಾ ಇರೋದು ನನ್ ಮನಸು ಕಣೇ… ಇದಕ್ಕೆ ಬೇಕಾಗಿರೋದು ನಿನ್ನವೆ ಸಾಂತ್ವಾನದ ನುಡಿಗಳು…!

ಕೊಡೋಕ್ ಆಗಲ್ವಾ… ಬೇಡ.. ಆದ್ರೆ ನನಗೆ ಕಾರಣ ಬೇಕು..

ಯಾಕೆ ನನ್ನಿಂದ ದೂರ ಹೋದೆ..? ಯಾಕೆ…..?????

ಅಷ್ಟೆ.. ಅದೊಂದ್ ಹೇಳ್ಬಿಡು… ಕೇಳಿದ ಮೇಲೆ ಮತ್ತ್ಯಾವತ್ತು ನಿನ್ನ ಜೀವನದಲಿ ಯಾವ ರೂಪದಲ್ಲಿಯೂ ಬರೋದಿಲ್ಲ…

ಹೇಳಿ ಹೋಗು ಕಾರಣ ಅಂಥ ಕೇಳೋಕೆ ಅವಕಾಶನೆ ಕೊಡದೆ ಹೋಗಿದ್ದಿಯಾ, ಆದ್ರೆ ಕೇಳೊ ಹಕ್ಕಿದೆ ಅನ್ಕೊಂಡ್ ಕೇಳ್ತಾ ಇದಿನಿ.. ದಮ್ಮಯ್ಯ ಉತ್ತರ ಕೊಡೆ..! ಇನ್ಮುಂದೆ ನಾ ಚೆನ್ನಾಗಿ ಬದುಕ್ತಿನಾ ಗೊತ್ತಿಲ್ಲ, ಆದ್ರೆ ದಯನೀಯವಾಗಿ ಬದುಕಬಾರು ಅಂದ್ರೆ ನೀ ಕಾರಣ ಹೇಳಲೇಬೇಕು..

ವಿನಾಕಾರಣ ನಾ ಕಟ್ಟಿದ ಗೆಳೆತನದ ಅಂತಃಪುರವನ್ನಾ ಒಡೆದು ಉರುಳಿಸಿ, ನನ್ನ ಮನದಂಗಳದ್ಲಿ ಇಟ್ಟ ಹೆಜ್ಜೆ ಗುರುತುಗಳನ್ನೂ ಅಳಿಸಿ ನೀ ಹೋದೆ ಅಂದ್ರೆ ನನ್ನಿಂದ ನಂಬಲಿಕ್ಕೆ ಆಗ್ತಿಲ್ಲ..

ಯಾಕೆ.. ಇಷ್ಟು ದಿನ ಸಹ್ಯವಾಗಿದ್ದವನು ಇದ್ದಕಿದ್ದ ಹಾಗೆ ಅಸಹ್ಯ ಆಗಿ ಬಿಟ್ಟೆನಾ..?

ನಿನ್ನ ಮನಸಿಗೆ ಎಂದೂ ಮರೆಯದ ಗಾಯ ಏನಾದ್ರೂ ಮಾಡಿದಿನಾ..?

ಅಥವಾ ನಿನ್ನನ್ನ ಗೆಳತಿಯಂದಷ್ಟೇ ಸ್ವೀಕರಿಸಿದ ನನ್ನ ಮೇಲೇ ಹೇಳಲಾಗದ ಪ್ರೀತಿ ಮೂಡಿ, ನನ್ನ ನಂಬಿಕೆಗೆ ಮೋಸ ಆಗದಿರಲೆಂದು ಹೋದೆಯಾ…??

ಹೇಳೇ ಏನ್ ಕಾರಣ ಅಂಥ ಪ್ರಾಮಾಣಿಕವಾಗಿ ಹೇಳು..

ತಪ್ಪು ನನ್ನಿಂದಾಗಿದ್ರೆ ಶಿಕ್ಷಿಸೋ ಅಧಿಕಾರ ನಿಂಗಿದೆ, ತಪ್ಪು ನಿನ್ನಿಂದಲೇ ಆಗಿದ್ರೆ ಮನ್ನಿಸೋ ಮನಸು ನಂಗಿದೆ… ಆದರೆ ಕಾರಣ ಹೇಳದೇನೆ ಶಿಕ್ಷಿಸಿ ನೋವು ನಿಡೋಕ್ಕೆ ನಿಂಗೆ ಹಕ್ಕು-ಅಧಿಕಾರ ಎರಡೂ ಇಲ್ಲ..

ಯಾರಗೂ ಕಾಣದಂಗೆ ಎಲ್ಲಾದ್ರೂ ದೂರ ಹೋಗಿ ಅಳ್ಬೇಕು.., ನಿನ್ ಮೇಲೆ ಸಾವಿರ ದೂರಗಳನ್ನ ಆ  ದೇವರಿಗೆ ಕೊಡ್ಬೇಕು..

ನಿನ್ನ ಸಾಯಿಸಿ.. ನಾನೂ ಸಾಯಬೇಕು ಅನ್ನಿಸ್ತಾ ಇದೆ.. But ನಾನ್ ಆ ಜಾತಿಗೆ ಸೇರಿದವನಲ್ಲ..!! ಅಸಹಾಯಕ ಕಣೆ ನಾನು…!

ಈ ಥರ ಪ್ರತಿ ಗಳಿಗೆ ಸಾಯ್ಸೋ ಬದಲು… ಒಂದೇ ಸಲ ಸಾಯಿಸಿಬಿಡಮ್ಮಾ… ಆರಾಮಾಗ್ ಬದಕ್ತಿನಿ ಸತ್ ಮೇಲೆ…!!!

ನನ್ನ ಈ ಕೂಗು ನಿನಗೆ ಮಟ್ಟೇ ಮಟ್ಟುತ್ತೆ.. ನೀ ಬಂದೇ ಬರ್ತಿಯಾ… ಕಾರಣ ಹೇಳೇ ಹೇಳ್ತಿಯಾ ಅಂಥ ಕಾಯ್ತಾನೇ ಇರ್ತಿನಿ ಕಣೆ..!

ಸಾಯೋವರೆಗು ಕಾಯೋ ಹಾಗೆ ಮಾತ್ರ ಮಾಡ್ ಬೇಡ…

Plz…

ಇಂತಿ ನಿನ್ನ ಕೆಲವು ದಿನಗಳಾ (ಪಾಪಿ) ಗೆಳೆಯ… !!

ಇದೊಂದು ಪಕ್ಕಾ Technical Love Letterru…!
ಒಬ್ಬ Computer Engineer ಬರೆದದ್ದು(ಕೊರೆದದ್ದು…!)
———————————————————————————————————-
ಹಾಯ್ …!

Monitor ಮಾದೇವಿಯೇ…! CPU ಶ್ರೀದೇವಿಯೇ…! ಹೇಗಿರುವೆ…? ಎಲ್ಲಿರುವೆ..?

ನನ್ನ ಹೃದಯದ HardDisk ನಲ್ಲಿ, ನಿನ್ನ ಕನಸುಗಳೆಂಬ Files ಗಳ save ಮಾಡಿ, ನೆನಪುಗಳೆಂಬ (ಸಿಹಿ) Virus ತುಂಬಿ, ಹೇಳದೇ ಕೇಳದೆ ಎಲ್ಲಿಗೆ ಹೋದೆ..!??

ಕ್ಷಮೆ ಇರಲಿ ಈ ಮಾತ್ ಹೇಳ್ತಾ ಇರೋದಕ್ಕೆ…,
ನನ್ನ ಈ ಹೃದಯವೆಂಬ HardDisk ಕೇವಲ ನಿನಗಾಗಿ ಮೀಸಲಲ್ಲ ಕಣೇ…! ಅದು ನನ್ನ ತಂದೆ ತಾಯಿ, ಅಕ್ಕ ತಂಗಿ, ಅಣ್ಣ ತಮ್ಮ, ಬಂದು ಮಿತ್ರರೆಲ್ಲರಿಗೂ ಸೇರಿದೆ..!
ಅದರಲ್ಲಿ ಮೂರಾರು Partition ಮಾಡಿ, ಹಂಚಿ, ಒಬ್ಬೊಬ್ಬರಿಗೂ ಮೀಸಲಿಟ್ಟಿದ್ದೇನೆ..! ಅದು ಸರಿಯಾ ನಂಗೊತ್ತಿಲ್ಲ…! ಆದ್ರೆ ತಪ್ಪಾಗಿರಲಾರದು…!

Ofcorse..,ನನ್ನ ತಾಯಿ-ತಂದೆ ನಂತರದ ಸ್ಥಾನ ನಿನಗೇನೆ…! ನಿನಗೆ ವಸಿ ಜಾಸ್ತಿಯೇ Space ಮೀಸಲಾಗಿದೆ..!
ಅದು ಎಷ್ಟು GB ಯೋ ನಾ ಹೆಳಲಾರೆ..! ಆದ್ರೆ
ಆದ್ರೆ, ತಿಳ್ಕೋ ನಿನಗಾಗಿ ಮೀಸಲಿಟ್ಟಿದ್ದ ಜಾಗ ಪೂರ ಇಂದು.. ಬರಿ ನಿನ್ನ ನೆನಪುಗಳೆಂಬ Virusಗಳಿಂದ Attack ಆಗಿದೆ..!
ಯಾವ AntiVirus(ಬೇರೆ ಹುಡುಗಿಯರು…!) ಕೂಡ install ಆಗ್ತಿಲ್ಲ, ಅದ್ರೂ ಆ Virusಗಳನ್ನ Remove ಮಾಡಿ Delete ಮಾಡಲಿಕ್ಕೆ ಆಗ್ತಿಲ್ಲ..!
ಇದಕ್ಕೆ Admisnistrator(ಆಡಳಿತಗಾರ್ತಿ…!) ಅಂದ್ರೆ ನಿನ್ನ ಜರೂರತ್ ಇದೆ..!
ಅವೆಲ್ಲವನ್ನ ನಿನ್ನ ‘ನಗು, ಪ್ರೀತಿ .. ‘ ಎಂಬ Software install ಮಾಡಿ ಸರಿಪಡಿಸಬೇಕು…!
ನೀನು ನನ್ನ ಪಾಲಿಗೆ ಕೇವಲ “ನೆನಪು” ಆಗ್ಬೇಡ.. ಬಾಳಿನ ಉದ್ದಗಲಕ್ಕೂ ಬದುಕೋ “ಕ್ಷಣ”ಗಳಾಗಬೇಕು…!

ಮೆದುಳೆಂಬ Processor On ಆಗಿ, Run ಆಗ್ತಿರೋ ತನಕ, ಮಿನುಮಿರುಗೋ Mionitor ಆಗ್ಬೇಕು.. ನನ್ನ ಬಾಳೆಂಬ Taskಗೆ ಬೆಳಕಾಗಬೇಕು..!
ಅದು ಹೇಗೆ, ಎಲ್ಲಿ, ಯಾವಾಗ ನಂಗೊತ್ತಿಲ್ಲ..!

ಈ ಪ್ರೀತಿ ಎಂಬ ಅಂತರ್ಜಾಲ.. Sorry ಮಾಯಾಜಾಲದಲ್ಲಿ, ನಾನಂತು ಸಿಕ್ಕಿ ಒದ್ದಾಡುತಿದ್ದೇನೆ..!
ಇಲ್ಲೇ ಬಿದ್ದಿರ್ಲಿ Bloody Heart Hacker ಅಂಥ ಸುಮ್ಮನಾಗ್ತಿಯೋ.., ಅಥವಾ ನನ್ನ Love software ನ ನಿನ್ನ ಎದೆಗೂಡಿನ Heart ಎಂಬ Hardiskನಲ್ಲಿ install ಮಾಡ್ಕೋತಿಯೋ ನಿಂಗ್ ಬಿಟ್ಟಿದ್ದು…!

ಮಾತಾಡೋಕ್ಕೆ ಮನಸಾದ್ರೆ Mailನಲ್ಲಿ ಮುನ್ಸೂಚನೆ ಕಳಿಸು..!, ಆದ್ರೆ ಅದರಲ್ಲಿ ಬರಿ “ಮೌನದ” Attachment ಬೇಡ..!
ಕನಸಾಗಿ ಕಾಡಬೇಕೆನಿಸಿದರೆ ಒಂದೊಳ್ಳೆ Greeting ಕಾರ್ಡು ಕಳಿಸು.., ಅದ್ರಲ್ಲಿ ನಿನ್ನ ” image ” ಹಾಕದೆ ಇರಬೇಡ..!

ಒಟ್ಟಿನಲ್ಲಿ ಈ ಜೀವ Shut Down ಆಗೋ ಮುನ್ನ, ಪ್ರೀತಿಯ Software ನ, ನಿನಗೋಸ್ಕರ್ ಅಂತಲೇ ಮೀಸಲಿಟ್ಟಿರೋ Spaceನಲ್ಲಿ install ಮಾಡು..!
ಇಲ್ಲವಾ, Restart ಮಾಡು.. ಇನ್ನೊಂದ್ ಜನ್ಮ ಇದೆ ಅನ್ನೋದಾದ್ರೆ Wait ಮಾಡು…!

Love me Or Hate me…!
Kiss me Or Kill me..!

Oh Darling, Plz Do Something to me…!

ಹಾಗೆ ಸುಮ್ಮನೆ ಮಾತ್ರ ಇರಬೇಡ….!

ಇಂತಿ,
ನಿನಗೆ ಪ್ರೀತಿಯ Invitation ಕಳ್ಸಿ Approval ಗೆ ಕಾಯ್ತಾ ಇರೋ…,

ನಾಲಾಯಕ್ ನಾಗ…!!

To,

Pr…

#143, ನನ್ನ ಹೃದಯದೂರು..

ನಾ ಬಚ್ಚಿ. ಮುಚ್ಚಿಡೋ ಪತ್ರ(…ಪ್ರೇಮಪತ್ರ!!)ಗಳ ಸಾಲಿಗೆ ಮತ್ತೊಂದು, sorry ಕಣೇ ಇದುವರೆಗೂ ನಾ ಬರೆದ ಪತ್ರಗಳನ್ನ ನಿನಗೆ ಕೊಡದಿದ್ದಕ್ಕೆ, ನೀ ಅದನ್ನ ಓದದ್ದಕ್ಕೆ!! ಅಷ್ಟಕ್ಕೂ ನಾನು ನೀ ಓದಲಿ ಅಂಥ ಬರೆದಿಲ್ಲ, ಬರೀತಾ ಇಲ್ಲ.. ನಾ ಬರೆಯೋ ಪತ್ರಗಳು, ಅದರೊಳಗಿನ ಸಾಲುಗಳು ನಿನಗೋಸ್ಕರ ಮಾತ್ರ ಬರೆದಿದ್ದಲ್ಲ…ಅವು ನನಗೋಸ್ಕರ, ನನ್ನೊಳಗಿನ ನಿನಗೋಸ್ಕರ ಮತ್ತೊಮ್ಮೆ ಹೇಳ್ತಾ ಇದಿನಿ ಕೇಳು…ನನ್ನೊಳಗಿನ ನಿನಗೋಸ್ಕರ..!!, ನಾ ನಿನ್ನ ನೆನಪಲಿ ಕಳೆದ sorry “ಬದುಕಿದ” ಕ್ಷಣಗಳಿಗೋಸ್ಕರ.. ನಿನ್ನ ನೆನಪಲಿ ತೇಲೋದಕ್ಕೆ ಸಾಥ್ ಕೊಟ್ಟ ಆ ಗಾಳಿಗೋಸ್ಕರ, ನಾ ಏಕಾಂತದಲಿ ಗುನುಗಿದ ಹಾಡುಗಳಿಗೋಸ್ಕರ..ನೋವಿದ್ದ ಸಾಲುಗಳಿಗೋಸ್ಕರ..

ಇರಲಿ ಬಿಡು…ಮತ್ತೆ ಉತ್ತರ ಬಾರದ ನಿನ್ನೆಡೆಗೆ ಮತ್ತೊಂದು ಪ್ರಶ್ನೆ..! ಈ ಜಗತ್ತಲ್ಲಿ.. ನಾವು ಅಂದ್ರೆ ಮನುಷ್ಯರು ಪ್ರೀತಿ ಯಾಕ್ ಮಾಡ್ತೀವಿ, ಅಥವಾ ಪ್ರೀತಿಯ ಬಲೆಗೆ ಯಾಕ್ ಬೀಳ್ತೀವಿ ಗೊತ್ತಾ..? sorry ನಿನಗದು ಗೊತ್ತಿರಲಿಕ್ಕಿಲ್ಲ ಬಿಡು.. ನನ್ನ ಪ್ರಕಾರ..ಕೆಲವರು ತಾವು ಬದುಕಿಷ್ಟು ದಿಸ ಸಿಕ್ಕದ ಸಂತೋಷಕ್ಕೋಸ್ಕರ, ತಾವು ಪಡೋ ಸಂತೋಷಕ್ಕೆ ಒಂದು ಹೆಸರಿಡೋಗೋಸ್ಕರ…ಇನ್ನು ಕೆಲವರು ತಮ್ಮಲ್ಲಿರೋ ಸಂತೋಷವನ್ನ ಅಂಚಿಕೊಂಡು ಬದುಕಕ್ಕೆ.. ಕೆಲವರು ನಮ್ UPPI ಹೇಳೋ ಹಾಗೆ ಕ್ಷಣಿಕ ಸುಖಕ್ಕಾಗಿ.. ಪಾಪ ಇನ್ನು ಕೆಲವರು ಗೊತ್ತಿಲ್ಲದೇ ತಪ್ಪು ಮಾಡ್‍ಬಿಡ್ತಾರೆ…!!

ಆದ್ರೆ ನಾನ್ ಇವುಗಳಲ್ಲಾವುದರ ಗುಂಪಿಗೂ ಸೇರದವನು… ನಾನು ನೋವಿಗಾಗಿ ಪ್ರೀತಿಸಿದವನು.. ಪ್ರೀತಿಸುತ್ತಿರುವವನು!! ಅಂಥವರೊದೊಂದು ಗುಂಪು ಅನ್ನೋದ್ ಇದ್ರೆ..ಅವ್ರಲ್ಲಿ ನಾನೂ ಒಬ್ಬ!! ಅವರು ಕೈಗೆ ಸಿಗದ ಚಂದಮಾಮನ ನೋಡಿ ತಾಯಿ ನೀಡೋ ತುತ್ತು ತಿನ್ನೋ ಮುಗುದ ಮಕ್ಕಳ ಹಾಗೆ.. ಗಾವುದ ದೂರದಲ್ಲಿ ಮೂಡಿದ ಬಣ್ಣದಬಿಲ್ಲಿನ ಮೋಡಿಗೆ ಗರಿಗೆದರಿದ ನವಿಲಿನ ಹಾಗೆ!!

ಅವರಿಗೆ ಗೊತ್ತಿದ್ದೋ, ಗೊತ್ತಿಲ್ದೇನೋ ತಮಗೆ ಒಲಿಯದ, ನಲಿಯದ ಪ್ರಿತಿಗಾಗಿ ಅರೆಕ್ಷಣವಾದ್ರು ತುಡಿಯುತ್ತಿರುತ್ತಾರೆ, ಮಿಗಿಲಾಗಿ “ಪ್ರೀತಿಸದ” ಹೃದಯವನ್ನ ಪ್ರೀತಿಸುತ್ತಿರುತ್ತಾರೆ!! ಇವರನ್ನ “ಹುಚ್ಚರು” ಅನ್ನೋ ಮುದ್ದಾದ label ಹಾಕಿ ನಗುತ್ತದೆ ಈ ಲೋಕ!!

pr…ನಾ ಅಂಥವರಲ್ಲಿ ಒಬ್ಬ.!!ನನಗೊತ್ತು ನೀ ಪ್ರೀತಿಸೋಲ್ಲ.. ಪ್ರೀತಿಸಿದರು ನನ್ನ.. ಉಹೂಂ ಪ್ರೀತಿಸೋದೇ ಇಲ್ಲ, ಆದ್ರೂ ನಾ ನಿನ್ನ ಪ್ರೀತಿಸ್ತಿನಿ.. ಯಾಕಂದ್ರೆ ನಾನು ಬದುಕಬೇಕು! ಪ್ರೀತಿ ಇಲ್ಲ ಅಂದ್ರೆ ಬದುಕಲಾಗುತ್ತ…? ಬದುಕಿದರೂ ಅದು ಒಂದು ಬಾಳಾ… ಬದುಕಾ…? ಹೇಳ್ತಿನಿ ಕೇಳು.. ಕೆಲವೊಂದು ಸಲ ಅನ್ಸುತ್ತೆ ಈ ಜಗತ್ತಲಿ…ನನ್ನೊಷ್ಟು ಖುಷಿಯಿಂದ ಯಾರೂ ಬದುಕ್ತಾ ಇಲ್ಲ ಅಂಥ… ಆದ್ರೂ ನಾನು ಪ್ರೀತಿಸ್ತಾ ಇದಿನಿ.. ನೋವಿಗಾಗಿ..ನೋವೊಳಗಣ ’ನಲಿವಿಗಾಗಿ’ ; Being haPPy always is a kiNd of BoriNg…. thatz why am iN luv..with u!!

” ಪ್ರೀತಿಯಿಂದ ಸಂತೋಷ ಬಯಸೋರು ಬೇಜಾನ್ ಜನ… ಆದ್ರೆ ಅದು ಸಿಗೋದ್ ಕಡಿಮೆ ಮಂದಿಗೆ…

ಪ್ರೀತಿಯಿಂದ ನೋವು ಬಯಸೋರು.. ತುಂಬಾನೇ ಕಮ್ಮಿ… ಆದ್ರೆ ಅದು ಬೇಜಾನ್ ಜನಕ್ಕೆ ಸಿಗುತ್ತೇ…” ವಿಪರ್ಯಾಸ ಅಂತಾರಲ್ಲ.. ಇದೇ ಇರಬೇಕು…!!

ನಿನ್ನನ್ನ ತುಂಬಾ ಪ್ರೀತ್ಸೋರು ನಿನ್ನ..ತಂದೆ..ತಾಯಿ ಅಕ್ಕ..ಅಣ್ಣಾ.ತಾಂಗಿ..ಇನ್ನು ಎಷ್ಟೋ ಮಂದಿ ಇದಾರಲ್ಲ… ಅವರಿಗಿಂತ ಜಾಸ್ತಿ ನಿನ್ನ ಪ್ರೀತಿ ಮಾಡ್ತೀನಿ ಅಂಥ ನಾ ಹೇಳಲ್ಲ.. ನಿನ್ನ ಪ್ರೀತ್ಸೋರ ಸಾಲಲ್ಲಿ.. Atleast ಲಾಸ್ಟ್ ನಲ್ಲಿ ನಿಂತಿರಿತ್ತೀನಿ..ಕಂಬನಿ ತುಂಬಿದ ಕಣ್ಣುಗಳ ಕಾಣಿಕೆಯೊಂದಿಗೆ… ಮರೆತಾದ್ರೂ, ಗೊತ್ತಿಲ್ಲದೆ ನನ್ನೆ ಕಡೆ ಒಮ್ಮೆ ನೋಟವಲ್ಲದ ನೋಟ…ಎಸೆ.. ನನ್ನ ಕಂಗಳು ಅದಕ್ಕೋಸ್ಕರ ಕಾಯ್ತಾ ಇರ್ತವೆ..ನಾನೂ ಕೂಡ!!

le huDugi ಪ್ರೀತ್ಸೇ..ನನ್ನಲ್ಲದಿದ್ದ್ರೂ.. ಇನ್ಯಾರನ್ನೋ… ಅದು ಬೇಡ atlest ನಿನ್ನನ್ನ…ಪ್ರೀತ್ಸು!! ನಿನ್ನ ಬಾಳೊಂದು ಬರಿಯ ಬಿಳಿ ಮೋಡ ತುಂಬಿದ ಮುಗಿಲಾಗದಿರಲಿ… ಮಳೆ ಸುರಿಸೋ ಕಾರ್ಮೋಡಗಳನ್ನ ಹೊತ್ತ ಮುಗಿಲಾಗಲಿ… (ಪ್ರೀತಿಯ)ಮಳೆಗೆ ಕಾದು ಬೆಂದ ಎಷ್ಟೊ ನೆಲಗಳಿವೆ…ಬರಿದಾದ ಎದೆಗಳಿವೆ.. Ofcorse ಅವರಲ್ಲಿ..ನಾನೂ ಒಬ್ಬ ಇರುತ್ತೀನಿ ಕಣೇ!!! ಕರುಣೆ ಇರಲಿ…

ಈ ಪತ್ರ ಎಲ್ಲೋ, ಹೇಗೋ… ಓದಿ..ನೀ ನಾಲ್ಕು ಹನಿ ಕಣ್ಣ್ರೀರು ಸುರಿಸಿದರೆ(ಮೊಸಳೆ ಕಣ್ಣೀರಾದರೂ…!!)  ನಿಜಕ್ಕೂ..ಸಂತೋಷ..ತಪ್ಪು ತಿಳಿಯಬೇಡ , ತಾವು ಪ್ರೀತ್ಸೋರ ಕಣ್ಣಲ್ಲಿ ನೀರು ಬಯಸೋರು ಇರಲ್ಲ..ಆದ್ರೆ ನಾ ಬಯಸ್ತಾ ಇದಿನಿ..ನನ್ನ ಬರಡಾದ ಮನ ಬಯಸ್ತಾ ಇದೆ.. plz..

” ನನ್ನ ಪ್ರೀತಿಗೆ..ಅದರ ರೀತಿಗೆ.. ನೀ ಕೊಡಬಹುದಾದ ಕಾಣಿಕೆ…ನಿನ್ನ ಕಣ್ಣ ಹನಿಗಳೇ…!!”

ನಿನ್ನ ನೋಯಿಸಿದ್ದಕ್ಕೆ ಕ್ಷಮೆ ಇರಲಿ…ನಿನ್ನ ನೆನಪುಗಳು ಮನದ ಕದ ತಟ್ಟಿ ಕಾದು ಕುಳಿತವೆ.. ಅವುಗಳೊಡಾನೆ ಮನದಂಗಳದಲಿ ಕಣ್ಣಾಮುಚ್ಚಾಲೆ..ಆಟ ಆಡ್ಬೇಕು… ರೇಡಿಯೋದಲ್ಲಿ ಬರ್ತಾ ಇರೋ..ಕೆ.ಎಸ್.ನ..ರ…” ನಿನ್ನ ಪ್ರೀತಿಗೆ ಅದರ ರೀತಿಗೆ… ಕಣ್ಣಹನಿಗಳೇ..ಕಾಣಿಕೆ…” ಹಾಡು ಕೇಳ್ಬೇಕು… ಜೊತೆಗೆ ಹಾಡ್ಬೇಕು..ಇನ್ನು ಏನೇನೋ… ಬರಲಾ..

ಅಗೋ ಇನ್ನೊಂದ್ ಹಾಡ್ ಕೇಳ್ತಾ ಇದಿಯಾ… “…ಒಂದು ಪ್ರೇಮಿಗಾಗಿ ಪ್ರೇಮಿಯೊಬ್ಬ ಇರದ ಕ್ಷಣ, ಈ ತಿರುಗೋ ಭೂಮಿ ತಿರುಗದೆಂದೂ ಒಂದೂ ಕ್ಷಣಾ…!!

…… ಅಟ್ಟದ ಮೇಲೆ ಎತ್ತಿಡೋದಕ್ಕೆ ’ಪ್ರೇಮಪತ್ರ’ ಬರೆದ.. ಕೆಟ್ಟ ಪ್ರೇಮಿ…!!

ಮರೆತೆ.. be haPPy keeP smiliNg…!!

ನಿನ್ನ ನಗುವ ಬಯಸೋ…. ನಾಗು!!

ಈ ಚಿಕ್ಕ ಚಿತ್ರದ ಮೇಲೋಂದು ಚಿಕ್ಕ click ಮಾಡಿ!! ನೋಡಿ!! ಓದಿ!!

ಯಾಕೋ ಬೇಸರವೆನಿಸಿದೆ…
…. ನನಗಲ್ಲ

ನಿನ್ನ ಹೆಸರ ಕೂಗಿ ಕರೆಯದ
ನನ್ನ ಬಾಯಿಗೆ…

ನೀನಾಡೋ ಮಾತುಗಳ ಕೇಳದ
ನನ್ನ ಕಿವಿಗಳಿಗೆ…

ನಿನ್ನ ಮುಂಗುರುಳ ನೇವರಿಸದ
ನನ್ನ ಬೆರೆಳುಗಳಿಗೆ…

ನಿನ್ನನ್ನು ತೋಳುಗಳಲಿ ಸೇರಿಸಿಕೊಳ್ಳದ
ಈ ತಬ್ಬಲಿ ಕೈಗಳಿಗೆ…

ಎಲ್ಲಕ್ಕಿಂತ ಮಿಗಿಲಾಗಿ
ನಿನ್ನನ್ನು ಕನಸಲ್ಲೂ ಕಾಣದ
ಪಾಪಿ ಕಣ್ಣುಗಳಿಗೆ…

ಅರ್ಥವಾಗದೆ ನಿನಗೆ… ನಿನ್ನ ಮನಸಿಗೆ…
ಹೃದಯದ ನೋವು….

ರೆಪ್ಪೆಗಳ ತೆರೆದೊಡನೆ

ಕಣ್ಣುಗಳುಅವಳನ್ನೇ ಹುಡುಕುತವೆ….….

ಮುಚ್ಚಿದರೂ ಭಾರವೆ

ಅಲ್ಲೂ ಅವಳ ಕನಸನ್ನೇ

ಕಂಡಿವೆಕಂಗಳನ್ನು ಕಿತ್ತಿಡಲೇ…

ಅಷ್ಟೊಂದು ಕೋಪವಿಲ್ಲ!!

ಕಾಣಲಿ ಅವಳ ನಲಿವನ್ನಾದರೂ

ನನ್ನಲ್ಲಿ ನಲಿವಿನ ಸುಳಿವೆ ಇಲ್ಲ….                                          ~ನಾಗು….

ಸಾವಿರ ತಾರೆಗಳ ನಡುವೆ  

ಆವೊಂದು ತಾರೆ ಮಾತ್ರ

ಮಿನುಗುತಿತ್ತು…

ಅದು ಅವಳೆಂದು ತಿಳಿದ ಕೂಡಲೆ

ಕಣ್ಣು ತೆರೆಯಿತು….. 

                                                       ~ನಾಗು….